ចិន៖ ពួកគេបានដណ្តើមយកបេះដូងរបស់អ្នកគាំទ្រក្នុងបណ្តាញសង្គមយ៉ាងភ្ញាក់ផ្អើលក្នុងរយៈពេល៥ខែចុងក្រោយ ហើយឥឡូវនេះការធ្វើដំណើរដ៏អស្ចារ្យរបស់ពួកគេបានបញ្ចប់ហើយ។ ហ្វូងដំរីព្រៃចំនួន ១៤ក្បាលបានធ្វើដំណើរវិលត្រឡប់ទៅរកជម្រកការពាររបស់ពួកគេវិញនៅខេត្តយូណានភាគនិរតីប្រទេសចិន។ វីដេអូដែល EAC News បានបង្ហាញអំពីសត្វដំរីឆ្លងកាត់ស្ពានប្រកបដោយសុវត្ថិភាព ឆ្លងកាត់ទន្លេយ័នឆ្ពោះទៅខាងត្បូងឆ្ពោះទៅតំបន់អភិរក្សធម្មជាតិរបស់ពួកគេ។

គណៈកម្មាធិការសង្គ្រោះគ្រាអាសន្នមួយត្រូវបានរៀបចំគ្រឿងបំភ្លឺអគ្គិសនី ដាក់ពោតធ្វើជានុយនិងសាងសង់ផ្លូវសិប្បនិម្មិតដើម្បីឱ្យដំរីដើរតាមផ្លូវត្រូវត្រឡប់ទៅឧទ្យានកាលដើមរបស់ពួកគេវិញ។ ពួកគេបានធ្វើឱ្យអ្នកលេងបណ្តាញសង្គមមានការចាប់អារម្មណ៍ភ្ញាក់ផ្អើលជាខ្មាំងចាប់តាំងពីហ្វូងដំរីទាំងនោះបានចាកចេញពីឧទ្យានកាលពីខែមេសា ហើយដែលបានធ្វើដំណើរចម្ងាយជាង ១៣០០ គីឡូម៉ែត្រ។

ហ្វូងដំរីទាំងនោះកំពុងនាំពួកគ្នាឆ្លងកាត់ទីក្រុងយូស៊ីនិងហុងហេមុន នឹងទៅដល់ជាយក្រុងនៃខេត្តគុនមីងក្នុងខែមិថុនា។ គ្មានការសង្ស័យទេដែលថាពួកគេនឹងនៅតែមានអ្នកគាំទ្រជាច្រើនដែលចាំមើលវិលត្រឡប់របស់ហ្វូងដំរីទាំងនោះមកជម្រកជីវិតពួកគេវិញដែលមានសុវត្ថិភាពនិងការការពារ៕